Te aŋa nui-nui nei e aŋa ena e mātou a rote umaŋa mo haka aŋi-aŋi ki te taŋata o te kāiŋa he meꞌe riva-riva mau ꞌā mo te taꞌatoꞌa he ꞌoka he haka rahi i te tumu mo haka rehe ꞌiti i te ꞌati o te cambio climático, e haka rake-rake mai ena i te henua taꞌatoꞌa ꞌe i te motu ꞌiti-ꞌiti nei.
ꞌI ruŋa i te tātou rima te aŋa nei he hāpaꞌo i te tātou kona noho, mo riva-riva te tātou ora iŋa, ꞌe ¿pē hē ka ravaꞌa ena? Hai raveꞌa ena he piri tahi tātou mo hāꞌūꞌū i te aŋa he ꞌoka i te tumu.
Mo piri tahi o tātou mo umaŋa i te aŋa nei he ꞌoka tahi a Rapa Nui hai tumu, he rave’a riva-riva mo hāpaꞌo i te natura o te tātou kona noho ꞌe he meꞌe riva-riva tako’a mo te taŋata o te kāiŋa nei.
He tumu he raveꞌa hopeꞌa o te riva-riva mo haka rehe ꞌiti i te ꞌati nei he cambio climático ꞌi Rapa Nui, ꞌo te ai mo rahi o te tumu meꞌe rahi nō te manu ora ka ꞌai ena ꞌe pe ira ꞌā hai tumu nō e riva ena mo hāpaꞌo i te ꞌoꞌone ꞌe i te vai e topa era ꞌi raro i te ꞌoꞌone.
Mo haŋa koe mo hāꞌūꞌū i te aŋa he ꞌoka tumu, te meꞌe nō a au mo ai he haŋa mo aŋa. E ai rō ꞌana te taŋata hāꞌūꞌū i te aŋa nei mo rāua e hāpī atu.
Mo haŋa koe mo hāꞌūꞌū i te aŋa he ꞌoka tumu, te meꞌe nō ka no-noꞌi atu era he haŋa mo aŋa i te aŋa nei. e ai rō ꞌana te mātou taŋata mo hāpī atu ꞌe mo hāꞌūꞌū atu i te aŋa nei.
